EG

Unang beses napanood ng live ang banda na ito. Hindi ko sure kung solo ba siya o ah ewan basta gusto ko sila. Nadagdag sa paborito ko. E a r l G e n e r a o! Mga ilang beses ko ba uulitin yung K a t a b i na kanta nila at maliban dun, gusto ko lahat ng tinugtog nila. Weeee.. Sabi nila tutugtog sila sa concert ni Unique.. uhm, kitakits!

Hola kay K na bassist ng grupo. Gusto ko siyang bata siya. Ehe.😅

Kung sa I V of S p a d e s, lakas maka feeling proud tita ako, dito sa banda na to, feeling proud ate ako. HAHAHA

(o'.'o)

Musiiiiiikkkkkaaaaaaa at Feelings

Ang dami kong kilig! Ang tatlo sa mga paborito ko sa larangan ng musika.

L e a n n e and N a a r a
i b e l o n g t o t h e z o o
M u n i m u n i

Uy may bago ako bb crush. Yung new drummer ng MM. Yiiieee! HAHAHA

Teka, pahabol ang lala! unang beses ko mapanood magperform ang t y p e c a s t. Ang mga nakaraan na jam. Ang oldskul. Hahahaha

(o'.'o)

Your T U R N

Dumating na.. at ikinasal na nga siya. Sobrang saya ko para sa inyo. Salamat sa gift of friendship. Mabuhay ang bagong kasal!

?: Ikinakasal na mga kaibigan mo, ikaw kailan?.. 

Me: Ah... E I O U! HAHAHAHA

Hinga. 

God has perfect timing.

(o'.'o)

Padating na naman..

Ang buwan ng Setyembre ang pinakamalungkot para sa akin. Sana mabilis siyang matapos. Wala pa man, pero sana patapos na..

Naalala ko kung paano ko labanan ang kada araw, ngunit sa buwan na ito, x2 ang pagkapit ko..

Ah basta.

Naalala ko ng mamatay ang aking mga mahal na magulang, lolo at pinsan, iba pang mga mahal sa buhay at isama mo na din ang pagkamatay ng relasyon namin ng ex ko ng matagal na panahon, nakatingin lang ako.. kasabay ng mga ngiti. Oo nakangiti ako. Iniwan nila akong lahat pero nakangiti at tahimik kaharap ang madaming tao. At the age of 10, yung tipong parang balewala lang. Laro laro, walang luha na pumapatak. Kunwari di apektado, o ayaw lang paapekto o sadyang magaling magtago ng depekto? Wala ako pinagsabihan ng nararamdaman ko at wala ako balak sabihin sa iba dahil ayokong sayangin ang oras nila. Kasi, ako lang naman ito eh. Alam ko lahat tayo, balang araw maglalaho sa mundong ito, pero yung parang akala nila balewala lang, hindi lang nila alam, kasi ang lala nun! Minsan naisip ko, hindi ba ko karapatdapat makasama ng matagal? Kaiwan iwan ba ko? Ako na lang mawala at mangiwan oh! Wag na sila. Kasi minsan pakiramdam ko, ako naman ay walang halaga. Pero.. Hindi rin pala, ayoko silang iwan. Hay.

Takte! Magseseptember na naman kasi. Ayoko mapagod pero tiwala naman ako sa kanya, nageemote lang ako. Pwede naman siguro di ba? Kahit sa'yo lang bebeblog. May emosyon din ako huy! Minsan ko nga lang talaga ilabas. Nasasaktan din ako? Hindi lang halata. Ehe.

Osya. Lakas ko maka L A N I.. Kilala mo siya? Ah basta. Ako yun. Akong ako nga ata yun. Woot.

Cheers, kapit lang.😉

(o'.'o)

Maghihintay.

Salamat.

Sa ating muling pagkikita..

(o'.'o)

Nakakatuwa naman.

First time namin manood ng 8pm slot. Kasama ko ang isang kaibigan. Ang saya pala. Mas enjoy pala siya kasi wala hinahabol na next show. Nakakatuwa sila panoorin dahil ang tatalentado. Nagulat ako, salamat sa pa free tickets for the last show ng s1. Ang sweet nyo, kaiyak! Hahaha Actually yan yung show na nagdadalawang isip ako attendanan kaya umattend na ko kagabi dahil wala ako extra budget dahil nagiipon ako para sa next travel ko at malapit nadin kasi kaya nakakatuwa naman ang nais nyo na makasama kami sa last show. Hindi siya makakasama sa 18 dahil manood siya gig kaya't magsasama ako iba o pupunta magisa. Basta hindi ko ito palalampasin. Nakakatuwa padin kayo wala pinagbago. Ang sarap nyo panoorin. Naenjoy ko rin ang pakikipagusap ko sa inyo kagabi. Mahabahabang kwentuhan. Salamat!

(o'.'o)

wag kang matakot, hindi mo ba alam nandito lang ako..

Hay E r a s e r h e a d s!

Hindi ko namalayan may pagpatak na ng luha na nagaganap. Halo halong emosyon. Maganda ang prod. Mahusay!

Teka, naiiyak ako. Hahahaha

Basta, hangga't makakaya ko, hindi ako magiging si JOY. Pero bilib ako kay Joy, matagal din lumaban sa araw araw pero wala eh, siguro may mga tao talaga na darating sa ayawan na. Napapagod din lalo pa at pakiramdam nila magisa sila. Ako, iisipin ko lage may kasama ako.. Hindi nga lang visible.. Kaya't kakayanin ko, hangga't makakaya. Bawat araw, bagong pagasa. Para na rin to sa tatlong tropa ni Joy. Laban!

Pahabol.. Ang ganda din ng pwesto namin. Woah! Salamat sa staff ng rwm sa pagbigay samin ng pinsan ko ng best seat. Well aminado din naman siya pagkaclaim namin ng ticket na ang binigay nya ay best seat. Lakas! Maliban sa play, sa pwesto namin di makamove on yung kasama ko. Hahaha.

(o'.'o)

Matulog ka na

Pasok na bukas. Halos wala ako buong last week dahil naospital kuya ko. Ako nagbantay sa kanya. Katakot magkasakit. Katakot sa ospital. Ayoko maospital :( Sino magbabantay sakin? Woot.

Salamat sa successful operation PapaGod at sa mga medical staff na naghandle kay kuya. At today pala, nanganak na sissy in law ko. Yasss! Excited na ko makita si baby kaso need ko na pumasok kaya di ko pa siya mabibisita. Buti successful naman panganganak niya, safe sila ni baby. Salamat muli.

At habang tinatype ko to, nanonood ako ng O n e M u s i c E b e sa Ch2. Hindi ko para palampasin to si Sir Ebe at ang kasalukuyan nyang tinutogtog ay T u l o g N a. Last song. Kaiyak. Eto ang isa sa mga gusto kong kanta nya.

Matapos ang linggong na ito, tara't matulog na. Paninabagong linggo na puno na pagmamahal.

(o'. 'o)

Heto naaaa~

Ang dami kong kilig!

Napanood ko na ang paborito kong banda.. Ang M u n i m u n i. :) Sarap pumikit lang habang tinutugtog nila nag M a r i l a g. Ang solid lang ng ganap ko last night. Sobrang sulit nya o kasi siguro mga paborito ko sila.

Napanood ko muli si girlcrush CB.. Gusto ko siya, gustong gusto ko siya. May picture na ko kasama siya. Hangsaya! Tas nasa harapan ako kaya sobrang titig ko lang sa kanya. Hahahaha

Eto pa.. nagtagpo na kami ni I B E L O N G T O T H E Z O O. Ang qtp2t nya. Yung dimples pa nya! Pagkakita nya sa'kin, nagapir kami tas sabi nya,  "Uy! Nakarating ka na!" Ang keso ng paggreet nya samin ng friend ko bago kumanta ulet at matapos set nya. Ganun pala feeling pag may pagshout out habang nasa gig. Lol. Dun sila nagkakilala sa a r t b e a t tas kasi nagpasend ako videogreet kasi sobrang gusto ko talaga yung kanta nya na P o r t e r..  Sobrang tagos mga songs nya. Tas ayun, mula nun kinukulit na namin siya. Panpan! Woot!

(o'. 'o)

V is for?

Holaaaaa! Hindi ko na ipopost iba pang ganap, nagenjoy ako sa mga ganap na magisa, pagtulog ko sa c a p s u l e h o t e l, foodtrip at kasama ang iba pa. Naenjoy ko din ang solo travel ko bago pa sila sumunod. Yay! Salamat po. 

Saan next? Ipon Hex Huy!

Excited ngayong paparating na weekend, sabi na eh, hindi ko mapapalampas to. Mapapanood ko muli si C l a r a B e n i n at sa wakas heto na... ang M u n i m u n i.. kasama pa si i b e l o n g t o t h e z o o. Yasss!!!

Salamat muli PapaGod. Sa lahat ng ganap sa buhay ko, mapawork o personal, pinanatili mo mapayapa ang puso ko. Hindi para mangamba, sa'yo ako.

(o'. 'o) 

L a k b a y m o d e

Lakbay pa V i e t n a m mayang gabi. Papunta na ko sa airport, solo mode. Woot. Sunod ang iba bukas. Hahahaha. Goodluck sa aking solo travel for a day.

Mawawala ng ilang araw at sana ay makabalik. Umuulan ngayon dito sa PH. Ang traffic. Ang mahalia ng G r a b now, pero nice naman si manong driver at hindi nagcancel ng trip na palage ko nararanasan sa kanila kaya okay na din, pero miss ko pa din si pareng U b e r. Hahahaha. Oh Goodvibes lang!:)

Labblabb ko kayo lahat!

(o'. 'o)

Ano ang iyong nais?

May nagregalo sa akin ng libro na kinapapalooban ng mga tagalog na tula. Nagulat ako sa sorpresang handog. Maraming salamat fam. Tas nung isang araw naman tumawag ang isang kaibigan at pinapapunta nya ako sa kanila dahil may regalo daw siya sa akin. Nakakataba ng puso. Walang mumunti o malaki pagdating sa regalo. Pahalaga. Sa edad ko na ito, mas pahahalagahan mo ang bawat bagay na mapapasayo. Malapit na nga ang kaarawan ko, ang kaarawan na kung saan mas maaalala tayo ng mga tao, at pagkatapos ng araw na iyon, balik sa dati. Normal na pakikitungo ng bawat isa. Kayat magalak ka sapagkat ang araw mo ay pararating na, kung saan ikaw ay espesyal sa paningin nila. Ang pumukaw ng atensyon ko ay ang libro. Sino nga ba talaga ako? Ano ang nais ko? Nais ko magsulat. Naalala ko ng kabataan ko gumagawa ako ng script. Ang tema? Pag ibig. Hopeless romatinc amp. Hahaha Iba rin ang pagkagusto ko sa poetry books. Alam ko may puso ako sa pagsusulat, ewan ko lang kung gusto nya ako. Hahaha Sa pagkakataon na ito, mangangarap ako na ang mga sinulat ko ay isang araw magiging libro.

Hindi perpekto na pagkakasulat, wala akong pormal na pagaaral patungkol rito, pero masasabi kong AKO.

(o'. 'o) 

I I S A 3 D

 Sa gabing maulan, ika-9 ng Hunyo taong 2018, masaya ang puso ko.

Naluha ako sa tulog na at masaya ko mapakinggan ang right time ng live. Yung burnout pa ~ Waaa..

Yung puso ko.😍

Salamat 3D.

(o'. 'o) 

Tatitshhh

Ilang araw na lang certified tita na ko. Dapat ko ba ikagalak o ikalungkot? Ah basta.

Maiba..
Bukas ako'y manonood ng I I S A 3 D Concert. At mali ka, hindi ako nagiisa. Nagmessage ang isang kaibigan at nais nya sumama. Actually siya muna nagsettle ng babayaran. Bukas ko pa mabuo bayad ko. Hahahaha. Location: K i a T h e a t e r. Dahil late na kami bumili ticket, sabi ko nga sa'yo sulit ang lodge row1 for me, kung di rin lang mag vip. Ayun. Orchestra nalang binili namin. Eh gusto pa din go nung kasama ko. Thanks to G l o b e at nakatipid kahit papano. Excited na ko para sa trio na ito. Gustong gusto ko sila. Lakas ko maka parte ng t i t a s o f m a n i l a. Gig sana para mas tipid kaso hindi ko na palampasin to dahil hindi ko alam kailan sila magcoconcert o gig ulet tatlo. kaya't S e e Y o u bukas 3D!

(o'. 'o)

B a k a s y o n

Annual ganap with the Cs. This year, nagpunta kami ng P i c o D e L o r o. Para sa simpleng mamamayan na katulad ko,  medyo mahalia ang ambagan. Hahaha pero ayos na, nakabook na bago pa ko nagOo. Poor Tita ako. Hahaha Kasama ko cousins and pamangkins ko. Masaya naman. Pahinga. Tinanong ako ng Tita ko if kailan ako ikakasal. Next question please. Medyo awkward pag usapin na to, alam naman nila na wala ako dinedate or anything. Dahil bihira kami magkita, eto na ang chance nya na magtanong. Hahaha tinanong pa nya tungkol sa nakaraan, ang sabi ko nagasawa na po magmove on na tayo. Tas *kroo kroo* buti hindi ako sinermunan or kung anu pa man. Hay. Ehe. Oo nga, ako kaya? Kailan ako ikakasal? Kailan nga ba ako magaasawa? Ilan taon na ako.. Lage ko sinasabi na hindi ko naisip na sa edad na ito, single pa din ako. Pinaguusapan nga namin magpipinsan at ng kapatid ko nung isang gabi ang pagiging matandang dalaga. They said naman na okay lang naman sa kanila. What's wrong nga naman being an old maid? Alam ko na concern lang sila for me. I don't talk about this stuff naman to anyone basta basta. Di naman namin napagkwentuhan ang nakaraan. Basta, they're just making me feel na andyan lang sila. Darating pa ba yung guy na para sa akin? Alam ko ready na ako, pero may mga araw na parang No no no, natrauma ata ako. Natrauma nga ata talaga ako sa past relationship ko. Parang isang joke. But then again, I'm living my life one day at a time. Wag mo sabihin sakin na I should feel this and that, kasi ako ito, ako yung nakaranas ng sakit. Pero, hindi ako papatalo kung sa anong nararamdaman ko. I'm praying na sana dumating na siya.

(o'. 'o)

Anune?

Anune? Anong applyan ko? San ako magaapply? Saan ako patungo? Ang gusto ko lang naman sana ako'y maging mabuting asawa at ina at makatulong sa kapwa. Ehe. Ngayon, ano na? Paano uunlad? Paano aangat? Hindi ako maaari mawalan ng pagasa o panghinaan ng loob at sumuko sa buhay kaya't anune? Ano na ang gusto kong gawin sa buhay? Gabayan nyo po ako. Hay.

Maiba.. Ano tong pic? Share lang. Same scent ng pinsan ko, na hit and run noong nasa kolehiyo pa kami. Ang saklap nun at sobrang sakit. Ang tagal ko na gusto gawin to, para pag namimis ko siya, maaamoy ko sya. Weird ko ba? Ganito pa rin kaya ako kung buhay siya? Miss ko na siya. :(

Anong pabango? JLO - Still.

(o'.'o)

Wagi!!!

Puyat ang lahat. Nakarating kami ng 6:30am at nagexam ng after lunch. Kung alam mo lang ang puyat at pagod ko kasama ng mga kasamahan ko na 2 o 3am palang gising na.. Magtyaga.. Maghintay.. At habang nasa waiting area at naghihintay kaming lahat sa resulta.. Less than 20tao din kasi kami nagexam kanina. Buti makukuha din agad result.. Kaya't heto na ngaaaaa...

We have 4 passers for todays exam..

*naloka ako ng very light sa pag announce, kakatakot. kakakaba. Hala. Aja H!*

# 4 .. with a score of 8***** Ms. *tinawag name ko* Congratulations!!!

Me: *takip ng dalawang kamay sa bibig* Waaaaa!!!! (Takte lakas maka contestant sa beauty pageant ang ganap ko. Lol!) sabay Yasss!!

Passer. Nakapasa akooooo! Kung alam mo lang ang kaligayahan na nararamdaman ko. P r o f e s s i o n a l na eligibility ko.. Ang lala!!!! Kaiyak! Kanginig at NKKLK! Bigla ako napaisip, Ano na ang kasunod neto? Panibagong pagbabago. Saan na ako patungo? Saan ako makakarating? Kaya ko ba na mas lumawak pa ang mundo ko? Kakayanin ko ba? Sa ngayon, masaya ako.

Salamat Papa God, naalala ko ang sinabi ko muli, kung ano ang will nyo po, paulit ulit ko sinasabi habang nageexam ako.

Hindi ako makapaniwala, ngunit walang imposible sa'yo.

Tanong: Anu ano ang nireview ko? Sa interesado, magreply ka lang. Willing naman ako ishare sa'yo.

Review hours: Total: 10hrs. Kahapon at kanina lang. Kanina, isuot ang headset, tas kung sino man nakakatabi ko nung umaga at hindi pa exam time, shineshare ko kabilang side para pareho kami makinig. 10hrs, Imagine? Muli, hindi para ipagmayabang ngunit para sabihin na ang astig mo at ang lahat ng papuri ay sa'yo Panginoon. Grabe kaaaa!

Makadiyos ba ko? Hindi ako santa, ngunit ang alam ko, ang dapat ko lang muna gawin ay magpasalamat sa Kanya. All for you! Maraming salamat po.

Simpleng kaligayahan para sa iba, pero malaking bagay ito para sa akin. Iniisip ko tuloy, magexam ulet ng n u r s i n g b o a r d e x a m. Dami naiisip. Hahaha Hmm.. babalikan kita sa usaping yan.. *nahiya na ako*

Salamat pala sa kaibigan na babae na tumawag bago pa marelease exam result na kapag makapasa ako, may free artbeat tix ako. Waa andun pa naman iba sa mga gusto ko banda at solo artist. Bumili kasi siya extra tix. Nakakataba ng puso, ngunit hindi na ako makakarating. Naappreciate ko ang papremyo, nagulat ako at nagwagi ako sa pagkakataon na ito..

Maraming salamat sa lahat ng naniwala.. at pati na rin sa mga hindi. Ehe. Labblabb lang. Yaaakaaaaapppp~

Yasss!!!!!

(o'.'o)

I'm not that lucky

Kailan ba ako nanalo sa contest, raffle or kung ano ano pang pakulo. Wala ako maalala. Ay may isa, nanalo ako ng prize sa paraffle dati, kung di pa hinawakan ng kaofficemate kong buntis  yung ticket ko *hello pamahiin* feeling ko di ako mananalo at nung bata pa pala ako, paraffle sa school, kundi pa hinawakan ng pinsan ko ticket ko *lucky daw siya* Haaaaayyy.. Swerte nasaan ka ba :( Sabi nila may mga taong sadyang swerte.. yung palage nanalo sa kung anu anong pakulo.. Tonight sumali ako sa isang contest. Hulaan mo? Eh di hindi nanalo. Ano pa ba? Hahaha. Wala ako plano bumili ticket nun dahil wala I V of S p a d e s sa line up, kaso yung kaibigan ko wala kasama manood, kaya nagtry ako magjoin, pero.. lotlot eh.. Well, dahil hindi nanalo, wala padin ako plano bumili tix, mahal pero solid lineup promise, andun karamihan ng gusto kong banda, wala lang talaga yung nabanggit ko. Sayang, kaya mo na yan magisa teh! HAHAHA

Still thinking pala to buy 3D ticket, since may promo na sila pag globe subscriber. Wala lang ako concert buddy. Hay. Lol.

Tignan ko gig sched ng I V of Spades at M u n i m u n i sa June, regalo ko sa sarili ko sana lang may malapit at weekend. Woot.

Oh well.. Better luck next time. :)

(o'.'o)

Papaano?

Gusto ko mapanood ang concert ng 3D. Gusto ko mapanood AHE Musical. Gusto ko mapanood nag M u n i m u n i. Gusto ko mapanood ang I V of S p a d e s at.. ang lungkot ko ng malaman ko na umalis na si U n i q u e. Nitong mga nakaraan na linggo naghahanap ako ng gig nila na malapit sa akin, tas nabalitaan ko to, hanglungkot. Isang araw mapapanood ko kaya laht sila? Hay. Walang kasiguraduhan.

Paano ko mapapanood ang lahat ng ito? Sigh, gastos. Kailangan pagipunan. Hay paano?

May gusto pa ko yung s p o k e n p o e t r y.. end of May yun kaso may unang ganap ako kaya hindi ko mapapanood.

Welcome sa mundo ko. Kung saan gusto ko mapagisa habang pinapanood ang lahat ng ito. Musika, tula at teatro. Doon ako kung saan ako payapa. Munimunimodeon.

(o'.'o)

Kapag malayo ba ang ibig sabihin malaya rin

Ang post na ito ay walang kinalaman sa napanood ko. Hindi ito movie review. Nanood ako ng A v e n g e r s I n f i n i t y W a r kanina.. magisa. Pagkatapos ng movie, kumain ako dinner.. magisa. Pumunta at umuwi ng magisa.

Ilan buwan na ba ko na palageng magisa. Oo, ilang taon na ko single ngunit ilang buwan na ba ako na ganito? Yung kumakain, naglalakbay at kung anu ano pa ng magisa. Hindi ko na kinakailangan pa hintayin ang tropa upang makauwi ng bahay o makakain. Minsan may makakasama, kung sino makasama pwede lahat, kung wala at ako lang, ayos lang din. Nilayo ko na ba ang sarili ko sa lahat? Ayos lang din naman na may mga kasama akong iba ngunit mas ninanais ko na lang ba talaga ang magisa?

Bigla ako napaisip.. Ayoko magkasakit. Hindi ako pwede magkasakit. Gaano ako kaimportante sa ibang tao upang alagaan ako? O baka nga wala akong halaga.

Mahal ko lahat ng taong mahal ko, andito lang naman ako kung kailanganin nila. Mas pinili ko lang talaga siguro na wag maging pabigat sa kanila. Ayoko na maging alalahanin pa. Kaya kung kaya ko magisa, ako na lang. Hindi ko na para idepende ang galaw ko kasama ang iba. Magisa akong pumapasok sa trabaho, kumakain ng lunch, at minsan kumakain ng dinner. Pero netong nakaraan sa isang kaibigan ako madalas natutulog eh kaya may kasabay magdinner pero maliban dun, madalas ako nalang magisa sa iba pa.

Hanggang kailan kaya ako mag-iisa? Naenjoy ko naman ang magisa ko panonood ng movie at pagkain. Pero dun talaga ako napaemote habang naglalakad ako ng magisa eh. Wala ako kaholding hands. amp. Yun lang pala. Labo! HAHAHAHA

Osya. Makatulog na muna. Nightworld!

(o'.'o)