s c a r r e d

 

I just saw this. The caption: I’ll never forget the disrespect. Credits to the owner. 

The trauma it brought me. Unbelievable.

(o’.’o)

E N -

Sobrang gusto ko ang kpop ngayon. Ang saya lang kasi comeback ng paborito kong group.. E N H Y P E N! Natuwa ako sa kanila, napanood ko din kasi yung survival show na I - LAND kung saan sila nabuo. Ang gagaling nila lahat. Tapos sakto walang pasok fiance ko.. Dumaan siya sa bahay pagkatapos nya maggrocery. Ang sweet lang kasi nakipasabay ako tapos may pasalubong pa siya sa akin na belgian truffles chocolate. Ayun na nga nakita nya pagfafangirling ko sa panonood sa paborito ko. Ang supportive nya huy kaiyak.. Enha lightstick ang gift niya sa akin nung birthday ko. Dami ko kilig sa nakuha ko pero mas kinilig ako sa effort nung fiance ko na maibigay sa akin yung merch mula sa mahal kong kpop group. Mas ifflex ko yung gesture ng fiance ko. Kuripot kasi yun eh. Hahahaha Sabi nga niya, “kuripot ako pero hindi kita titipirin.” Waaaa~ Huwaw! Hahahaha  

Natatawa siya sa akin kasi sobrang gusto ko na this year na magconcert sa PH ang Enha, kasi para alam ko kung anong iseset na date ng kasal namin. Gusto niya kasi 1st quarter eh ako din naman kaso paano na lang kako kapag sumabay sa kasal namin yung concert. Kastress! Sabi ko aalis talaga ako para manood. Bahala na muna siya sa mga bisita. Nyahaha Buti na lang hindi patola si bf ko.. pero legit nga, hinihintay ko announcement kailan ba anong buwan kung next year nga concert nila.. sana this year na talaga at sana makasal na ako next year.

Ngapala, nasa greenhills din kami nung Sunday para magdate at magfinalize ng guests tas lumagpas kami sa target pax namin hay, need magbawas. So paano?! Tas ang dami pala inaasikaso pag church wedding. Huhuhu nagrequest na ako mga docs tho. Naggreenhills din kasi kami para ipick up yung funko pop na naorder nya dati pa, dbale villain line yung pop collection ko. Pero nahinto ako sa pagcollect since kpop nga gusto ko ngayon, buti na lang bayad na niya kaya nakabili ako photocards dun! lol Thank you, love. Nakakaloka sabi ko din kasi ano ba meron sa photocard bakit kinocollect ng mga mahilig sa kpop, huy gagi may konting photocards na ako at 2 album na nila ako ngayon.. tas may paparating akong latest album nila mula sa comeback! Tita mong kpop stan. Hahahaha Try mo sila panoorin mahohook ka din. :) 

Prio huy prio.. EN- char! Hahahaha Wedding prio. Yarn! Hahahahaha 

(o’.’o)

Ay Loko!

Usapang cheating.. naranasan mo na ba ito? Ano naramdaman mo? Ano ang ginawa mo? 

Minsan talaga may mga taong hobby na ata ang mag-cheat sa relasyon eh. Payo lang, kapag ang isang tao nagloko habang karelasyon mo.. hiwalayan mo. Wala ng second chance o unli chances. Hiwalayan mo.

Walang perpekto ? Oo. Pero naniniwala ako na ang cheating ay choice. Pinipili natin na magloko, hindi ang kapareha ang problema kundi ikaw mismo. Hindi ka para magstay sa taong niloloko ka lamang. Kung pareho naman kayo naglolokohan abay maghiwalay na lang. Minsan nakakagawa tayo ng mga bagay na kahit alam naman natin na mali eh tinutuloy pa rin natin. Kapag dumating sa punto sa nagawa mo ang magcheat o ikaw mismo yung niloko, maghiwalay na kayo. Maniwala ka sakin, maghiwalay na lang kayo. Huwag na patagalin pa ang relasyon kung wala na rin namang respeto. Minsan pa nga nagsorry hindi dahil sa feeling sorry sila sa nagawa nila kundi lang dahil sa nahuli sila. Mas marap magmahal ng totoo.

Tandaan mo, wag na wag ka papayag sa lokohan. :)

Bakit ko ba shineshare ito? Para mapakinggan mo. 

(o’.’o)

S u n d a t e

Hi, bebeblog! Kamusta ka? Share ko lang na naglunch date kami ng fiance ko kahapon. Kumain kami sa B l a k e’s W i n g s and S t e a k s. Sobrang nagustuhan ko yung truffle cream pasta nila at masarap din yung ribs. Yung chicken wings naman, ayos din, malaki pa. Sulit kumain dito kasi malaki yung serving nila. Yung nachos ata pang 4 na tao yun. Hehehe Nauwi pa namin yung mga natira. Babalikan namin ito at itatry ko pa iba pang pasta dahil alam mo naman pasta lover tsaka pancit canton lover ako. Hahahaha Thanks for the treat, my love. Yung coffee naman sagot ko at sa wakas natry din namin ang D e a n and D e l u c a.. ang tagal ko na gusto tikman kape dun..  pero hindi siya natuwa sa vanilla latte niya.. mas masarap pa daw yung sa 711. Sakin naman, nagustuhan ko yung inorder ko na Sea  salt Caramel Latte.. hot ang pinili ko this time, pero iced coffee talaga madalas inoorder ko sa kape. Masaya ang araw na ito. :) 

Salamat for spending your Sunday with me. Naappreciate po kita. :)

(o’.’o)

F u d g e

Hindi ako mapakali  kung anu-ano ang tumatakbo sa isip ko. Ikakasal ako sa December 2022. Actually, tentative month ito dahil naniniwala ang side ng fiance ko sa sukob at sa side ko naman ay hindi naniniwala dun.. kaya pwede rin na first quarter of 2023 maikasal. Andyan din yung pressure syempre mula sa pamilya considering yung age ko daw. hahaha Sa Sunday, game na talaga kasi gagawa kami guest list ng fiance ko at paguusapan namin ang kasal. Gusto ko ikasal, yes..tinanggap ko proposal niya, yes.. gusto ko siya makasama pagtanda, yes.. kaso mukhang meron akong u n h e a l e d relationship trauma mula sa past experiences and relationships ko. Inaatake ako ng anxiety. Naalala ko gusto ko maranasan na ikasal simula 18 years old pa lang ako pero ngayon biglang gusto ko ba talaga? Don't get me wrong, mahal ko fiance ko.. Kaso andyan bigla yung takot na kapag natali ako at ginago ako muli ay hindi ako agad makawala, Andyan yung kinaya ko naman mag-isa ng ilang taon na eh, kailangan ko ba talaga siya. Andyan yung huwag na lang siguro ako. Andyan yung kung ano yung pwede ko masabi o magawa o makasakit ako ng damdamin niya dulot ng trauma na ito at ayoko siya masaktan. Iniisip ko din ang pagbabago kapag kinasal na kami sa kung saan kami titira, sino makakasama, paano ba talaga ang ganap ng mag-asawa. Halo-halong emosyon pero ako ngayon ay mas nababalot ng pagkanegatibo. Uhm.. baka pwede naman na wag na lang ikasal? Parang ayoko na ikasal? Haaaay.. pero sa totoo gusto ikasal sa kanya. Ikakasal ako sa kanya. Walang rason para hindi siya piliin at pakasalan.

hmmm.. breathe. Kailangan maresolve ko ito at yun ang gagawin ko. Ayoko naman maikasal ng half hearted dba. Aja! One day at a time at dasal talaga. Whew! Salamat sa pakikinig bebeblog.

(o'.'o)

Huy TY

Kahapon kumain kami sa mall ng fiance ko. Salamat sa treat na yogurt ice cream.. first time ko matikman ang l l a o l o a o.. masarap. Ako naman nagtreat lunch kasi palaging siya na lang. Kumain kami sa g e n k i s u s h i.. hindi pa daw kasi nya natry dun kaya ayun. Naenjoy namin mga food nila pati matcha tea nila. Bago umuwi dumaan kami sa drugstore at bumili siya gamot para sa kapatid niya.. palabas na kami tapos may inabot siya chocolate. Malaking c a d b u r y m i l k c h o c o l a t e. Hala! Napangiti ako. Kasi sa magkaibang counter kami pumila so di ko alam binili nya. Nakakatuwa kasi naalala nya pa ako.. Hindi nya daw kasi ako nabigyan chocolate pagdating nya kanina, oo nga, maliit na bagay pero bigla ko naisip palagi siya may dala chocolate para sakin sa tuwing bumibisita siya, maliliit o malaking chocolate.. basta meron. Kaya napangiti naman ako, simpleng detalye.. pero alam nya mga paborito ko at makakapagpasaya sa akin kaya Salamat, Ginoo. Nakakatawa din pala siya habang naglalakad kami sa mall. Laughtrip ih! Salamat sa pagpapangiti sa akin. Natapos ang gabi na nagpasalamat kami sa isa’t isa at sa taas dahil magkasama kami today. TYL.

Ngapala, nagpabutas ulet ako sa tenga. Nagsara na kasi yung 2. Magpapalit na lang ako hikaw next time. Nawa’y maghilom ng maayos.

Tungkol sa kasal, kinausap nya ako nung kailan pa na maggawa na kami ng guest list kaso ayoko pa. Hahaha baka tapusin na muna namin kasal ng kapatid nya this year. Makakasal din, balang araw. :)

(o’.’o)

H a p p y y a r n?

Hoooooyyyy!!! Yan ata lahat halos reaksiyon ng marining nila ang balita. Nagulat ang karamihan kasi hindi ako nagpopost sa social media, may bf na daw pala ako. Hahaha Ilang iyakan pa ba ang magaganap dahil sa sobrang tuwa nila. Status: Engaged. Ang nasabi ko na lang ay Thank you, God. Naglunch date kami kanina ng bf ko na ineschedule niya. Siya namili ng lugar at araw pati oras. Doon na kami nagkita at yun ang medyo nagtataka ako, madalas kasi kapag lalabas kami ay sinusundo pa niya ako sa bahay. Ngunit wala naman ako inisip kanina kundi magenjoy habang kasama siya na kumakain. Masasarap pagkain dun. Mabagal lang ako kumain kasi for surgery ako sa ipin. Nasa dessert na kami pero bago kumain ay hinawakan niya kamay ko tapos sabay tanong ng “Will you marry me?” Ang nasabi ko na agad “Sigurado ka?!”.. Sabi niya, “Oo” tapos sabi ko “Yes!” Grabe! Ganun pala ang pakiramdam nun. Di ko maexplain. Pero ang alam ko lang wala yung emosyon na lungkot sa nararamdaman ko nung mga oras na na yun. Natapos ang araw namin sa pamamagitan ng pagdarasal na kung saan pareho kami naiyak. Yung ang tagal ko hinintay ito. Sa kung sino ang may malakas na loob para piliin ako at heto na nga po… Salamat sa pagmamahal mo, Ginoo pero mas salamat sa Diyos. Kasalan na? Woohoo!!!

Mahiwaga pipiliin ka sa araw-araw.🎵

(o’.’o)

Huminga at magpatuloy

Sa ilang buwan na hindi pagpopost, eto ako muli. Kamusta ka bebeblog? Para bang kay tagal ko nawala, sa ilang buwan na yun ay madami na ang nagbago.

Mula katapusan ng Marso hanggang sa huling linggo ng Abril ay lumaban ako sa sakit na C o v i d - 19. Halos lahat ng sintomas ay nasa akin.. andyan yung mataas na lagnat, ubo, sipon, walang panlasa at pang-amoy at hirap sa paghinga. Halos 1 buwan rin ako sa Ospital. Ako ay nagpapasalamat sa lahat ng nagdasal, sa tumulong pati na rin sa mga empleyado sa loob ng Ospital sa pagaalaga sa akin. Hindi biro ang bawat araw lalo pa at mag-isa lang ako sa kwarto. Nagpapasalamat ako sa Panginoon sa ikalawang buhay at pagbibigay pa sakin ng tsansa na manatili sa mundong ito. 

Buwan ng Abril ng kunin na Niya ang Lola ko. Sobrang sakit at lungkot ng kanyang pagkawala. Hindi ko man lang siya naalagaan at nakita. Lumaban din sa sakit na C o v i d - 19, ngunit hindi na kinaya. May mga ibang sakit na rin kasi ang lola. Nawalan ako ng chance maggrieve sapag ako mismo ay lumalaban upang mabuhay. Hindi ko na mabilang ang ilang beses na pag-iyak at pagdarasal lalo na para sa lola ko. Ganun pa man, nagtitiwala ako sa’yo Panginoon kung ano man ang plano mo sa aking buhay.

Ano ang nabago? Alam ko na kung ano ang mahalaga, ang pamilya, ang sarili at pagiging mabuting nilikha Niya. Mas naging simple at mas mahalaga ang kapayapaan at kalusugan. May mga bagay at sitwasyon pa rin na nakakapagpalungkot ngunit hindi para sumuko. Bakit hindi pa ako kinuha? May purpose pa si God sa akin. Hindi papagapi sa kung anumang negatibo na nararamdaman. Magpapatuloy...

Natapos na rin pala ang aking kaarawan, nagkita kami. Salamat sa hindi pagsuko at sa pagmamahal. Masaya din kasi lumabas kami para magdate nung Anniversary namin. Maligaya lang, kumain, naglakad lakad at nagkwentuhan. Hindi pa rin ako kasal. Maghihintay na lamang din. Ayoko na mag-isip kung kailan ang proposal o ano. Mabuhay kada araw, yun na lang. Marami pa rin bagay na dapat ikasaya. Salamat sa mga taong pinipili ako sa araw araw. Salamat rin sa pagpili ko sa aking sarili this time. Hihihi

(o’.’o)

F e v e r

Nilalagnat ako since kahapon pa. Nag39 degrees ako nung madaling araw. Pabugso bugsong ubo. Pero alam mo mas masakit ? Yung ingrown ko sa paa. Hahaha Hindi ako natuloy magpunta sa ER kanina dahil may lagnat pa rin papahupain ko sana muna, kaso mukhang di huhupa at tumataas na naman. Kaya may lagnat o wala, magpunta na ko sa ospital bukas. Sino ksama ko? Ako lang.. dahil mahirap na at kung c o v i d 19 eto ayoko naman makahawa pa. Sa makakabasa neto, please pray for me at sa lola ko rin. Alam mo sa lola ko ako nagaalala lalo eh, kasi di siya masyado daw nagkakakain. + ubo at pananakit ng lalamunan, naswab na siya kahapon, tapos need din siya salinan ng dugo, tapos kailangan iuwi dahil wala bakante sa mga ospital. Wait na lang siguro muna result nya. Sana maging maayos na siya. Ang hirap nun kasi di ko siya maalagaan dahil ako mismo may sakit at di pwede lumapit sa kanya. Kaya ikaw, oo ikaw, mag-iingat ka. 

Salamat sa mga taong nangangamusta at gumagabay sa akin. Pagpalain po kayo ni God.

(o’.’o)

C i t y of L o ve PH

Hi, napadaan lang. Kamusta kayo? Kung meron man nakakabasa ng blog ko, ingat palagi at magpavaccine ka, okay? Kamusta ako? Madami pagbabago, maliban sa weight at maskne, uhm adulting ganap, atbp. Naghahanap pa rin ako sideline lalo at pandemic ngayon, dagdag income. Ngapala, nakasale ang c e b u p a c hanggang ngayon ata? Magbook ka na. Hihihi Nagbook kami ng bf ko nung isang araw. Ewan bakit Iloilo naisipan namin mula sa iba pang nakapromo dun. Tapos nalaman ko na C i t y of L o v e pala yun, So kitakits! Hahahaha Sabi ng iba wala naman daw kami gagawin dun, sakto lang daw yung lugar, pero tutuloy pa rin kami, eh di gagawin namin maganda stay namin, ieenjoy namin bawat lugar na mapupuntahan namin dun. :) Teka, ano ba magandang puntahan sa Iloilo? Eto yung magiging unang travel namin as a couple. Katuwa din kasi ang lowkey lang ng relationship. Ang private at ang mature lang, wala kasi kami parehong kailangan patunayan sa ibang tao, tanggap namin ang strengths and weaknesses ng isa’t isa. Maganda rin ang flow ng relasyon so far kasi nagstart kami mag Gratitude Sunday kung saan pinaguusapan namin ang nararamdaman at pinagpapasalamat ng bawat isa. Bago pa lang kami sa relasyon, pinagusapn  na namin yung love language namin dahil makakatulong yun. Sabi ko sa sarili ko ipopost ko lang siya kapag nagpropose na siya o kinasal na kami, at least yun, sigurado na. Alam ko di pa yun happy ending pero at least matutuldukan na ang pagiging guest ko sa kasal kundi ako na, magiging bride na. Haha Ayoko na kasi ng marami pang paandar sa relasyon o sa socmed sa ngayon, pero ang labo din, kasi gusto ko magvlog kami dalawa balang araw, parang ang kulet lang kasi nun at ang saya ishare ang story namin. Hihihi. Gusto siya ng pamilya ko dahil may desisyon siya para sa amin. Simple lang, pero meron at yun ang mahalaga. Minsan nangangamba ako at nagooverthink, kasi iniisip ko ang tanda ko na, nalipasan na ako at baka huli na, hindi ko pa nga sure kung mabibigyan ko siya anak pero siya.. Siya yung nagpapakalma sa akin, inaassure nya everytime na sapat ako at may mahalaga ako. Mamuhay sa kasalukuyan, huwag magpalamon sa nakaraan at mangamba sa kinabukasan. Hindi naman namin kailangan ng buhay na sobrang rangya pero ang mahalaga, yung magtutulungan kayong dalawa. Hindi rin namin kailangan ng kasal na sobrang garbo, ang mahalaga andun kaming dalawa at ang mga taong naniniwala. Darating din kami dyan balang araw kung siya na nga talaga. Malalaman ang susunod na kabanata, babalitaan kita bebeblog.

Masaya ang puso ko sa parteng ito, sa panahon na sobrang gulo dumating kami sa buhay ng bawat isa ng hindi inaasahan. 

Ngapala, naging maayos naman ang pagbisita ko sa kanila. Maayos naman ang pakikitungo ng pamilya niya sakin, Salamat po sa inyo. Hihihi

(o’.’o)

J a n u a r y 2021 Playlist

Hi, eto yung mga songs na trip ko ngayon pakinggan. Feel free to listen to these songs. Enjoy!

1. Winter Sun - Mogli

2. Monsters - Jon Caryl

3. Everybody wants to rule the world - Chlara / Mateo Oxley

4. You can’t hurry love - Julia Ross

5. Lot to Learn - Vivid Color

6. You were good to me - Jeremy Zucker/ Chelsea

7. Feels like you - Faime

8. Oceans - Hillsongs

(o’.’o)

B A O

 

Learning is fun with this cute dumpling.

M a s k n e tho :(  

L o v e update: 

I will be meeting his parents tomorrow.

(o’.’o)

i n s t a x

Alam ng mga taong malapit sa akin na isa ito sa pangarap ko... Ang f u j i f i l m i n s t a x. Hindi ko alam bakit hindi ko siya mabili bili. Namamahalan din kasi ako sa film. Ang daming taon na ang nagdaan ngunit wala pa rin ako ganyan. Gaano ko na katagal nais magkaroon ng ganito? Mga 1 dekada o lagpas pa nga ata ang pagkagusto ko sa kanya. Salamat Panginoon sa lalaking ito.. sa pagmamahal na pinaparamdam nya sa akin, sa atensyon at sa pagiging thoughtful nya. Alam mo, masaya ang puso ko ng malaman na yung isang bagay na sobrang gusto ko eh yun ang christmas gift nya sa akin. Masaya ako hindi dahil kaya nya bumili nun, bagkus nagagalak ang puso ko dahil alam ko lahat naman tayo may pinagkakagastusan.. mga bayarin o kung ano pa yan, ngunit salamat sa’yo Ginoo dahil naglaan ka ng espesyal na regalo para sa akin. Yakap~

To capture precious memories with you,

Merry Christmas, my love.

Salamat na rin sa mama mo para dito. Hihihi

(o’.’o)

L a n g o y 2020

Yasss! Why? Makakalangoy na muli. Namiss ko ito pati na rin lahat ng mga nakakasama ko dun. Oo, “lahat”. Naway safe naman at wag mo ko pababayaan, Panginoon. Maraming salamat sa lahat. Sobrang thankful ako sa buhay na binigay mo sa akin. Mag-eenjoy ako bukas at excited din ako bumili pasalubong para kay lola at kay bf. Hihihi 

Ingat sa lahat. 

(o’.’o)

T u n a A g l i o O l i o

 

 

Ang paborito ko na pasta ay A g l i o y O l i o lamang. Maliban syempre sa all time spaghetti na lutong bahay, yan gusto ko.  Masaya ako dahil nakuha ko na yung gusto kong luto sa kanya. Sakto na para sakin ang version ko nito. Natutuwa ako sa tuwing nagluluto ako neto at nauubos ko naman pati ng mga pinapakain ko. Nashare ko lang ang simpleng kaligayahan ko. Hihi

Ang nasa picture ay nilagyan ko ng tuna. Mesherep siya. Tara, Luto na! Hahahaha

(o’.’o)

I am in love with HIM

Year 2020 has been a test for everyone. On how we can survive in this time of p a n d e m i c. There are major changes on our everyday busy lives and most of us did not expect this to happen. We are now aware that all of these things that we have are temporary and nobody knows how long are we going to live. Material things are superficial. As for me, it is now much needed time to repent and focus on what really matters. Now, Whenever I think of God, I can’t help but cry. I am truly grateful with the blessings he has been showering me eversince that I sometimes ignore. I may not be a perfect daughter but he assures me that He is just there for me. There are times that negative thoughts and anxiety has been bugging me but remembering Him makes me believe that I am not a lost soul.. With Him, I am always reminded that I am more. He is also a protector and keeps me away from losing my mind.

God also blesses me a boyfriend in 2020. I thank God for giving me a loving, faithful and supportive boyfriend. This guy ranked in between 3rd-6th important person in my life and he knew about it. He will never be my number 1 because God will always be the first. It is clear for both of us that God will always be the center of our relationship. Next will be our family and then us. We are nothing without you God, so Thank you. I love you. 

(o’.’o)

BB

Ngayong araw yung death anniversary ng pinsan ko na sobrang malapit sa puso ko. Napakaemosyonal ko today. Pagkagising ko kanina, sakto tumawag yung bf ko tas shinare ko yung daily devotion lalo pa today is Sunday. Para sa araw na ito, it’s all about free gift which is God’s love. Be thankful din sa mga taong mahal ka. At the same time, I guess may a n x i e t y a t t a c k ako sa di ko maipaliwanag na labolabong dahilan. I’m trying to be calm gaya ng paghinga ng malalim at idivert sa pamamagitan ng panonood ng movies at episodes na gusto ko pero kung ano ano mga pumapasok sa isip ko. Gaya kanina, ang tagal ko na pinapanood yung mga ladies na naghahanap at nagsusukat ng wedding gowns tas di ko alam kinakausap na pala ako, nakatulala na pala ako. Mapapa Ha? na lang ako. Ngayon gabi naman, nagdidinner kami family ko, maluhaluha ako, tas nanonood kami ng romcom movie and yet umiiyak ako. Buti wala nakakita, ang labo ko. This anxiety na I’ve been battling for some time now, patungkol sa buhay, trabaho, sa karanasan, hay ewan. May moments na ganito ako ngayon eh. Kahit ano gawin ko, hindi ko maiwasan. I am beyond thankful for God’s love. Sobrang naooverwhelm ako at the same time sa pagmamahal nya sa akin. Ganun pa man, kakapit ako sa kanya. Aalisin ang takot at pangamba. Hindi pagagapi. Whew!

Btw, kahapon nagpadala yung bf ko ng sweet treats na gusto ko. Sobrang naappreciate ko effort nya para sa monthsary namin. Nagpabake pa talaga siya sa kakilala nya. Alam nya na nagpapapayat ako dahil isa sa dahilan eh para di tumaas bloodsugar ko dahil nakakakita ako ng pagbabago sa katawan ko, natuwa naman ako na nagpaalam muna siya few days bago  araw na ipadala sakin ito. Salamat, Ginoo at sa mensahe mo na keso. Hahahaha Tatawa tawa lang ako, pero sobrang nagagalak ang puso ko sa sinabi mo at ipinagpapasalamat ko lahat ito kay God. Lahat ng papuri ay para sa’yo, Panginoon. Have a blessed Sunday, everyone! 

(o’.’o)

Isaw the sign

Gaano kaigsi ang buhay kung kayat pakahalagahan. 

Isang aksidente ang naganap. Nabilaukan ako ng isaw ng baboy. Nginuya ko naman pero bumara pa rin. Hindi ko malilimutan na pangyayari. Dahil di ko malunon, di ko mailabas sa pamamagitan ng pagubo. Hanggang sa di na ako makahinga. Di ako sumuko para maclear ang airway ko kundi ewan ko na. Hay. Imagine, ilang segundo lang yun pero sobrang halaga. Buhay pa po ako. Salamat po. 

Anong reaksyon ni bf ng kinwento ko pagkauwi ko? Di ko mawari kung nagaalala, dismayado o natatawa. 

Bf: Chew your food well.

Me: Noted. Hahaha

(o’.’o)

Ayos, tol

May kumatok sa room ko, tas nagulat ako, kuya ko karga pamangkin ko. Matapos ang halos isang buwan na hindi pagpapansinan sa hindi ko malaman na dahilan, eto na nga. I guess, bati na kami? Hahahaha

Mas tumatanda ako, mas ayaw ko na ng drama. Mas pipiliin ko na iparamdam ang pagmamahal sa mga taong nananatili at wag na habulin o hayaan na ang mga nangiwan. Hindi dahil sa galit o ano pa man, kundi dahil nararapat rin ako na sumaya.

Sabi ko sa sarili ko, kahit pa kuya ko siya, wala na ako pakielam kung di kami magusap hanggang sa pagtanda. Hindi ko rin siya kakausapin hindi dahil sa wala akong kwentang kapatid bagkus dahil yun ang gusto nya. Ang huwag ako pansinin o kausapin o kung ano man yun. Hahaha Naalala ko 3 beses ko siya inapproached para magsmall talk lol tapos ang cold ng treatment nya, hanggang sa hindi ko na ulet siya kinausap muli. Chill lang naman ako dahil wala ako maalala na nagawa kong mali sa kanya. Hindi ko na para ipagsiksikan ang sarili ko sa mga tao kahit pa kapamilya ko yan. Hindi na ako yung gaya ng dati na gusto palaging ayusin ang bagay bagay. May mga bagay na hindi na maaayos o kailangan ng sapat na panahon upang magkaayos. At kung di magkakaayos, mabuhay ng matiwasay kanya kanya. Walang away bagkus respeto sa kanya kanyang desisyon. Ganoin na ako ngayon.

Natutuwa naman ako sa pagkakaayos namin ng kuya ko. Mahal ko siya at kapatid ko siya - hindi na magbabago yun, magkausap man kami o hindi, walang halong kundisyon. Labyu, kuya!

(o’.’o)

Napadaan lamang

Habang tumatanda ako, mas gusto ko na lamang ang tahimik na buhay. Kahit iilan lang na tao sa buhay ko na nagsstay, masaya na ako dun. Ayoko na ng toxic at kumplikadong relasyon mapa kung kaninuman. Mabuhay ng mapayapa, ganoin. Sobrang grateful ako sa mga iilan na taong pinipili ako sa araw araw. Minsan hindi talaga maiiwasan ang problema o mga paepal na tao, ganun pa man mas natutunan ko na kailangan piliin talaga ang issues na papatulan. Huwag sayangin ang enerhiya. Para sa mga taong nakasakit, kapatawaran para sa lahat at para na rin sa aking sarili. Hangad ko ang kasiyahan ng bawat isa. Mabuhay ng matiwasay kanya kanya. Tama na ang drama. Artiarti. Hahahaha

Ganito na lang, magpakabusy ka, oo, ikaw na nakakabasa, hayaan mo na ang buhay ng iba. Saan ako busy? Sa pagluluto. Huy, masarap daw baked macaroni ko. Kailan kaya ako magkakaoven para makaluto pa ng iba pang pangkain. Oven toaster lamang gamit ko ngayon eh. Hahaha

Sa lahat ng makakabasa neto. Ingat palagi. Naway malampasan natin ang pandemya na ito at iba pang dagok sa buhay. Aja!

(o’.’o)